ލިޔުނީ : އަހްމަދު ދާއޫދު
ލަފާފުރުމުގެ ދަތިކަން ފިލުވައިދިނުމުގެ މަޝްރޫޢުގެ ދަށުން ނ.ލަންދޫގައި ކޮނެދެއްވާ ފަޅުގެއިތުރުން އެރަށު ރައްޔިތުންގެއެދުމުގެ މަތިން ދޯނިއެހެލާ ސަރަޙައްދެއް ސަރުކާރުންހައްދަވައިދެއްވާ ގޮތަށް ހަމަޖެހިއްޖެކަމުގައި މައުލޫމާތު ލިބިއްޖެއެވެ. ނަމަވެސް ދޯނިއެހެލާ މިސަރަހައްދު ހަދަން ހަމަޖެހިފައިވަނީ ރައްޔިތުންގެ ހިއްސާއާއި އެކުގައި ކަމުގައިވެސް މަޢުލޫމާތު ދެއްވި ލަންދޫރައްޔިތަކު ވިދާޅުވިއެވެ.
ނ.ލަންދޫ ބާރަނަ އަލްފާޟިލް ސަޢީދު ޢަބުދުލްޙަކީމް ވިދާޅުވީ ސަރުކާރުން މިކަމުގައި ވެދެއްވާ އެހީއަކީ އެތަންކޮޅު ފުންކޮށްދިނުމާއި އެތަނަށް ވަދެވޭގޮތަށް ކަޑިންމައެއް ކަނޑައިދިނުމެވެ. ދެން އެހެނިހެން މަސައްކަތްތައް ކުރަން ހަމަޖެހިފައިވަނީ ރައްޔިތުން އަމިއްލައަށެވެ.
ރައްޔިތުންގެ ގޮަތުން ކުރަންހަމަޖެހިފައިވާ މަސައްކަތްތަކުގެތެރޭގައި އޮޑިއެހެލާ ސަރަޙައްދުގެ ބޭރު ތޮށިލުމާއި އެއްގަމުގައި ހަދާބައެއްކަހަލަ އާލާތް ހެދުމުގެ މަސައްކަތް ހިމެނެއެވެ.
ފަޅުގެ މަސައްކަތް ހަމަނިމޭހާއަވަހަކަށް ދޯނިއެހެލާ ސަރަހައްދުގެ މަސައްކަތްފަށާގޮތަށް މިހާރުވަނީ ހުރިހާތައްޔާރީތަކެއްވެ ކޮންނަންހަމަޖެހިފައިވާ ހިސާބުފާހަގަކޮށް މިންވެސްޖަހާފައެވެ. މިސަރަޙައްދު ބޮޑުމިނަކީ 150 އާއި 100 ފޫޓެވެ. އަދި ފުންކުރަން ހަމަޖެހިފަވަނީ ހިކިދިޔައިގާ 8 ފޫޓް ހުންނަވަރަށެވެ.
No comments:
Post a Comment