ޚަބަރު : އަޙްމަދު ދާއޫދު
މިއަހަރުގެ މާރޗް މަހު 19 ވަނަދުވަހު ރަސްމީކޮށް ފެށިގެން ކުރިއަށްދާ ލަންދޫ ބަނދަރުހެދުމުގެ މަސައްކަތުގެ ވަރަށްބޮޑުބައެއް މިވަނީ މިހާރު ނިމިފައެވެ. ލަފާފުރުމުގެ ދަތިކަން ފިލުވައިދިނުމުގެ މަޝްރޫޢުގެ ދަށުން ކޮންނަމުން މިދާ ބަނދަރުގައި މިހާރު ކުރެވެމުން ދާމަސައްކަތަކީ ބަނދަރުގެ އެއްގަމު ވާޓަރު ހެދުމުގެ މަސައްކަތެވެ. މިމަސައްކަތްވެސް މިހާރު އެދާ ސްޕީޑްގައި ދާނަމަ ކުރިއަށް އޮތް ދެދުވަހުގެ ތެރޭގައި ނިންމާލެވޭނެކަމަށް މިމަސައްކަތާއިި ޙަވާލުވެހުންނެވި މަސައްކަތުގެ ކޯޑިނޭޓަރ އާރިފް ހާމަކުރެއްވިއެވެ.
މީގެ އިތުރުން ބަދަރުގެ މަސައްކަތް ނިމި ބޭނުންކުރަން ފަށަންވާއިރަށް ލަންދޫ އޮޑިވެރިންގެފަރާތުން އިސްނަގައިގެން ރައްޔިތުންގެ ތެރެއިން މިމަސައްކަތުގައި ބައިވެރިވެލައްވަން ބޭނުންވާ ފަރާތްތަކަކުން މިހާރު ދަނީ ފަޅުގައި އޮޑިފަހަރު އަޅާއިރު ބޭރު ވާ އައްސާނެ ބުޑުތަކެއް ހަދަމުންނެވެ. ރަގަޅުފެންވަރަކަށް އަދި ދިގުމުއްދަތެއްގައި ބޭނުންކުރެވޭގޮތަށް ހަދަމުން މިދާ ބުޑުތައް ފަޅުގެ ބޭރުތޮށީގެ ކައިރިއަށް އަޑިއަށް ފައްތާނީ މިމަސައްކަތް ކުރައްވާ އެމްޓީސީސީގެ ބޭފުޅުންގެ ލަފާގެ މަތިން އެބޭފުޅުންގެ އެހީއާއި އެކުކަމަށްވެސް މަޢުލޫމާތުލިބިފައިވެއެވެ.
މިފަދަ ވަސީލަތްތައް ބޭނުންކޮށްގެންވެސް ފަޅުގެ ބޭނުންކުރުމުގައި ރަގަޅު އިންތިޒާމެއްގެ މަތިން ހުރިހާއޮޑިވެރިންނަށްވެސް ހަމަހަމަ ފުރުޞަތުތަކެއް ލިބިގެން ދާނެނަމަ ވަރަށްވެސް ރަގަޅެވެ. ވަކިފަރާތްތަކެއްގެ ބާރު ލަންދޫފަޅަށް ގަދަވެ، އެހެންބައެއް އުޅަނދުފަހަރަށް ފަޅުތެރެއަށް ނުވަދެވޭވަރަށް ކަނޑިންމަ މަތީގައި ވާ ފުރާފާ އޮޑިފަހަރު އަޅާފާ މިހާރު އެހުންނަނީ ، ފަޅުގެބޭނުން އަދި ރަސްމީކޮށް ހިފަންނުފަށާތީ ރަގަޅު އިންތިޒާމް ތަކެއް ލަންދޫ ފަޅުކޮމިޓީއިން ނުވަތަ ރކ. ކޮމިޓީއިން އެކުލަވާ ނުލެވޭތީ ކަމަށްވެސް ވެދާނެއެވެ.
No comments:
Post a Comment