ލިޔުނީ : އަހްމަދު ދާއޫދު
ލަންދޫގައި އުޅޭ ޑީއާރުޕީއަށް ނިސްބަތްވާ މީހުންނާއި އެޕާޓީއަށް ތާއީދުކުރަށްވާ އެންމެހައި ބޭފުޅުން އިސްނަގައިގެން އެޕާޓީގެ ރިޔާސީ ކެނޑިޓޭޓް އަލްއުސްތާޛް މައުމޫން ޢަބުދުލް ޤައްޔޫމަށް އިތުރަށްތާއީދު ހޯދުމަށް މަސައްކަތް ކުރުމަށް ކެމްޕެއިން ޖަގަހައެއް ލަންދޫސަފާރީގޭގައި މިއަދު ގާތްގަޑަކަށް 14:00 ހާއިރު ހުޅުވައިފިއެވެ. މިރަސްމިއްޔާތުގައި ޑީއާރުޕީއަށް ތާއީދުކުރާ ލަންދޫ ރައްޔިތުންގެ ބަޔަކު ބައިވެރިވިއެވެ. އަދި މިވަގުތު މާލޭގައި ވަޒީފާ އަދާކުރާ މިރަށުމީހުންގެ ތެރެއިން ބައެއްމީހުން މިރަސްމިއްޔާތުގައި ބައިވެރިވުމަށް މިއަދު ލަންދުއަށް އައިކަމަށް ވެއެވެ.
ރިޔާސީ އިންތިޚާބުގެ ފުރަތަމަބުރުގައިވެސް ޑީއާރުޕީގެ ޖަގަހައެއް ލަންދޫގައި ހުޅުވާފައިވެއެވެ. އެފަހަރުގެ ޖަގަހަ ހުޅުވީ މިރަށު އަޅިވިލާގޭ ގައެވެ. ނަމަވެސް މިފަހަރުގެ ޖަގަހަ މިހުޅުވީ ސަފާރީގޭގައެވެ.
އަލްފާޟިލް މަހަމޫދު މުޙައްމަދު ( މަހަމޫދުބެ ) އަކީ މީގެކުރިން ޖުމުހޫރީޕާޓީއަށްތާއީދުކޮށް މުޅިރަށުގައި ޤާސިމް ގެ ފޮޓޯފުޅު ހިއްޕުމުގަިއ ވަރަށް އިސްދައުރެއްއަދާކޮށްފައިވާ ބޭފުޅަކަށްވާއިރު މިފަހަރުގެ ޑީއާރުޕީގެ ޖަގަހަ އެބޭފުޅާގެ އަމިއްލަގޭގައި ހުޅުވަން މިދިމާވި މައްސަލައަކީ ކޮބަކަމާއިމެދު ގިނަބަޔަކު ދަނީ ސުވާލުކުރަމުން ނެވެ. ގިނަމީހުން ތުހުމަތު ކުރާގޮތުގައި މަހަމޫދު ބެއަކީ އަބަދުވެސް އެކަހަލަ ގޮތަކަށް އުޅުއްވަމުން ގެންދަވާ ބޭފުޅެކެވެ. އެބޭފުޅާގެ އޮޑިދުއްވާނީ އެފަހަރަކު ވައި އައިގޮތަކަށޯލައެވެ.
ކޮންމެއަކަސް އަނެއްކާވެސް ގިނަބަޔަކު ހައިރާވީ އަނެއްކަމަކީ ކުއްލިއަކަށް އަޅިވިލާގެއިން ( ހަސަންބެ ) ޑީއާރުޕިގެ ފޮޓޯތަކާއި ބެނާތައް ނައްޓުވާލުމާއި، ސަފާރީގޭގައި ހުރި ޤާސިމް ގެ ފޮޓޯތައް މަހަމޫދުބެ ވީދާ އުކާލައި ،މުޅި ސަފާރީގެ ނޫކުލައިން ޖަރީވެގެން ދިޔުމުންނެވެ. މިހިރީ އަޅުގަނޑު ދެކޭގޮތުގައި ހައްތަހާވެސް ޢިބްރަތް ހާސިލް ކުރަންވީ ހާދިޘާ ތަކެވެ. މިއިން އެއްވެސް ކަމަކީ ހައިރާންވެ އަންތަރީސް ވާން ޖެހޭ ކަންކަމެއްނޫނެވެ. އިެމީހެއްގެ ރޮނޑަކުން ހަންދަމާނީ އެމީހަކު ދަމާނެކޮޅަކަށެވެ. އެއީކީ މައްސަލައެއްނޫނެވެ.
No comments:
Post a Comment