ކުޅުދޫމެޗް

ކުޅުދޫ – ލަންދޫ ބައްދަލުކުރި މެޗް 90 މިނިޓް ހަމަނުވަނިސް ހުއްޓާލަންޖެހިއްޖެ

ލިޔުނ: އަޙްމަދު ދާއޫދު

ލަންދޫޔޫތު އެންކަރޭޖިން ސޮސައިޓީ ( ލިޔެސް ) އިން އިންތިޒާމްކޮށްގެން ފިޠުރު ޢީދު ފާހަގަކުރުމުގެ ގޮތުން ކެނދިކުޅުދޫ ( ކުޅުދޫ ) އަވަށު ޒުވާނުންނާއި ލަންދޫ ޒުވާނުންގެ މެދުގައި ލަންދޫގައި މިއަދު ހަވީރު ކުޅެވުނު ފުޓްބޯޅަމެޗް 90 މިނިޓް ހަމަނުވަނިސް ހުއްޓާލަންޖެހިއްޖެއެވެ.

ޢީދުގެ ފުރަތަމަދުވަހު ހަވީރު 4:00 ގައި ފެށިގެންދިޔަ މިމެޗްގެ ގާތްގަޑަކަށް 75 މިނިޓް ގެ ކުޅުން ނިމިފައިވަނިކޮށް ކުއްލިއަކަށް ފެނިގެންދިޔައީ ކުޅުދޫ ފުޓްބޯޅަޓީމްގެ ކޯޗެއްގެ ހައިޞިއްޔަތުން ޓީމާއި އެކު ލަންދުއަށް ދުރުވި އެރަށު ޢަލީ ރިޟާ ކުއްލިއަކަށް އެބޭފުޅާގެ އަތުގެ އިޝާރާތުން ޓީމަށް ދަނޑުން ވަގުތުން ފޭބުމަށް އެންގިތަނެވެ.

ކުރިންލަންދޫހެލްތްސެންޓަރ ހިންގުމާއި ޙަވާލުވެހުންނެވި ކޮމިއުނިޓީ ހެލްތް ވޯކަރ އަލްފާޟިލް ޢަލީ ރިޟާ ކުއްލިއަކަށް ޓީމުދަނޑުބޭލީ ކީއްވެތޯ އަޅުގަނޑު އަހާލުމުން ވިދާޅުވީ މެޗްގެ ރެފްރީ ( ފިއްޓޭ ) ގެ ނިންމުން ތަކާމެދު ހިތްހަމަނުޖެހޭތީއެވެ. ކޮންކޮން ނިންމުން ތަކަކާތޯ ހިތްހަމަޖެހިނުލައްވަނީ އަހާލުމުން ބުނުއްވީ ފަހުހާފު ފެށިގެން ގާތްގަޑަކަށް 15 މިނިޓްތެރޭގައި ލަންދޫގޯލްއޭރިޔާތެރެއިން ލަންދޫޓީމްގެ ކުޅުންތެރިއަކު ހޭންޑުވުމުން ޕެނެލްޓީ ނުދިނުމާއި، އަދި އޭގެ 5 ވަރަކަށް މިނިޓްފަހުން ކުޅުދޫ ޓީމް ގެ ލަންޑެއް ލަންދޫގެ ގޯލްތެރެއަށް ވައްދާލުމުން އޮފްސައިޑް ލަނޑަކަށް ނިންމުންވެސް އެއީ ކުޅުދޫޓީމުން ރެފްރީ އާއި ދޭތެރޭ ހިތްހަމަނުޖެހޭ ނިންމުމެއްކަމަށް ލަންދޫގެވަރަށް ގިނަބަޔަކު ދަންނަ ކުޅުދޫ ޢަލީ ރިޟާ ވަރަށް ސާބިތުކަމާއި އެކު ލަންދޫ ރައްޔިތުންގެ ފުޓްބޯޅަދަނޑުގައި ރެފްރީފިއްޓޭ އާއި ހިތްހަމަނުޖެހޭ ކަން ފާޅުކުރައްވަމުން ބުނުއްވިއެވެ.

ކޮންމެއަކަސް މެޗްފެށުނީއްސުރެ ނިމެންދެންވެސް އަޅުގަނޑުމެން ލަންދޫއިންފޯގެފަރާތުން މެޗްބަލަމުން ނާއި ދިމާވާ މައްސަލަތައް އެނަލިސް ކުރަމުން ގެންދިޔައިމެވެ. މެޗް ފެށީ ލަންދޫޓީމްގެ ވަރަށް މުހިއްމު ކުޅުންތެރިންތަކެއް ފުރަތަމަ އެގާރައިގާ ނުހިމަނާކަން ފާހަގަކުރެވުނެވެ. އެގޮތުން ޔޫއްޓޭ، އާއި ރެޑޭ އަދި ސިޔާންޓޭ މެންކަހަލަ މަޝްހޫރު ކުޅުންތެރިންތަކެއް ދަނޑުބޭރުގައި ތިއްބާ ފެނުނެވެ. އޭގެނަތީޖާއެއްގެގޮތުން މެޗްގެ ފުރަތަމަ 2 ލަނޑު ޖެހީ ކުޅުދޫ ޓީމުންނެވެ. ކުޅުދޫޓީމުގެ ކުޅުން ވަރަށް ބޮޑުތަން ރަގަޅުކަމަށް ފާހަގަކުރެވިފައިވަނިކޮށް ލަންދޫޓީމުގެ ޔޫއްޓޭ އާއި ރެޑޭ ކުޅުމުގެ ތެރެއަށް ނިކުތުމުން މެޗްގެ އޮއިވަރު ކުއްލިއަކަށް ބަދަލުވެގެންދިޔައެވ.ެ އޭގެ ނަތީޖާއެއްގެ ގޮތުން ލަންދޫޓީމުންވެސް ޖެހިޖެހިގެން ކަހަލަގޮތަކަށް 2 ގޯލްޖެހިއެވެ. ފުރަތަމަގޯލްޖެހީ ޝިނާން އެވެ. ދެވަނގޯލްޖެހީ ޔޫއްޓޭއެވެ. އޭގެފަހުން އަނެއްކާ ކުޅުދޫ ޓީމުން ލަނޑެއްޖަހާ މެޗްގެސްކޯ 3-2 ށް ބަދަލުވިއެވ.ެ އަނެއްކާވެސް ލަންދޫޓީމުން ލަނޑެއްޖަހާ ފުރަތަމަ ހާފްނިމުނުއިރު ސްކޯއޮތީ 3-3 ގައެވެ. ފަހުހާފު ފަށައިގެން 35 މިނިޓް ވަރު ކުޅެވިފައިވަނިކޮށް ކުރިންފާހަގަކުރެވިފައިވާ މައްސަލަތައްދިމާވެގެން މެޗްހުއްޓާލިއިރު ލަންދޫޓީމުން އޮތީ އިތުރުލަނޑެއްގެ ލީޑަކާއި އެކު 4-3 ން މެޗްގެ ކުރިހޯދާފައެވެ. އެކި ގޮތްގޮތުން ކުޅުދޫ ޓީމުގެ ކުޅުންތެރިންނަށް މެޗްކުޅުމަށް ނަސޭޙަތްދީވެސް ކުޅުން ކުރިއަށް ނުނެގެންގޮސްގެން ރެފްރީ މެޗްނިންމަލީކަން އިއުލާންކުރިއިރު މެޗްގެ ސްކޯއަކީ 4-3 ން ލަންދޫ މޮޅުވުމެވެ.

ލަންދޫރައްޔިތުްންގެ ވަރަށްގިނަޢަދަދެއްގެ މީހުން ކުޅިބަލަން ޙާޟިރުވެލެއްވި މިމެޗް ގައި އެއްވެސް ކަހަލަ ތަޅާފޮޅުމެއް ހިނގާ އެކަކު އަނެއްކަކަށް ރުޅިއައިސްގެން ޒުވާބުކޮށްހަދާފައެވެސް ނުވެއެވެ. ކުޅުދޫ ކުޅުންތެރިން ދަނޑުންފޭބީ ވަރަށް ރީތިގޮތުގައި ބަލިޤަބޫލުކޮށްފީމޭ އެކަމަކު ރެފްރީގެ ނިންމުން ތަކަކާ ހިތްހަމަނުޖެހެއޭ ބުނަމުންނެވ.ެ

ލިޔެސް ޖަމުޢިއްުޔާއިން ވަރަށް އޮގްނައިޒްކޮށް ރާވާލި މިމެޗްގައި ރަނިންކޮމެންޓްރީވެސް ވަރަށް ފުރިހަމައަށް އަޑުގަދަކުރާއިން އިއްވަމުން ދިޔައެވެ. ކޮމެންޓްރީ ގެނެސްދިނީ މިކަންކުރުމުގައި މިހިސާބުގަނޑުގެ މަޝްހޫރުކަން ހޯދާފައިވާ ކުޅުދޫގެ ބޭފުޅެއްކަމުގައިވާ ވާސިފުއެވެ. އޭނާ ގެ ރަނިންކޮމެންޓްރީ ވަރަށްފުރިހަމަކަން މިފުރުޞަތުގައިފާހަގަކުރަމެވެ.

އެއްފަރާތު ލައިންސްމަނެއްގެ ގޮތުގައި ލަންދޫގެ މަޝްހޫރުރެފްރީއެއްކަމުގައިވާ އަޙްމަދު މުހައްމަދު ( ޕަޓޭ ) އަދި އަނެއްފަރާތުގައި މުމްތާޒު އަބޫބަކުރު ( މުންތޭ ) ލައިންސްމަނެއްގެ ގޮތުގައި ހުރެގެން ކުރިއަށްގެންދިޔަ މިމެޗްގެ ކުޅުންތެރިންގެ ކުޅުމުގެ ފެންވަރަށް ބަލާލާއިރު މިފަހަކަށްއައިސް ލަންދޫޓީމުން ދައްކަމުން އައި ޕަރފޯމަންސް މިމެޗްގައި ވަރަށްދަށްކަމަށް ފާހަގަކުރެވުނެވެ. އަދި އިންޑިވިޖުއަލް ކުޅުންތެރިންގެ ތެރެއިން އެވްރެޖް ކުޅުންތެރިންގެ ކުޅުމުގެ ފެންވަރުވެސް ކުރީގެ މެޗްތަކަށްވުރެ ދަށްކަމަށް ފާހަގަކުރެވިފައިވެއެވެ.

ލަންދޫޔޫތުއެންކަރޭޖިން ސޮސައިޓީ ( ލިޔެސް ) އިން މިއަހަރުގެ ކުޑަޢީދު ވަރަށްކުލަގަދަކޮށް ފާހަގަކުރަމުން ދާކަން މިފުރުޞަތުގައި ޝުކުރުވެރިކަމާއިއެކު ލަންދޫއިންފޯގެ ފަރާތުން ފާހަގަކުރަމެވެ. އެގޮތުން މިރޭ ސްޓޭޖް ޝޯވ އެއް ދިނުމަށް ހަމަޖެހިފައިވާއިރު މާދަމާ ވަންޑެކަޕް ވޮލީ މުބާރާތެއް ވެސް ބާއްވާގޮތަށް ރޭވިފައިވާކަންވެސް ލަންދޫއިންފޯއަށް އެނގިފައިވެއެވެ. ލަންދޫގެ ޒުވާނުން ދެޖަމްޢިއްޔާ ރަޖިސްޓަރީވެފައިވާއިރު މިފަހަކަށްއައިސް ލަންދޫގެ ކޮންމެ މިފަދަ އިޖްތިމާއީ ކަމެއްގައި ޙަރަކާތްތެރިވާތަން މިފެންނަ ވަރަށްފަހުން ރަޖިސްޓަރީ ކުރެވިފައިވާ ލިޔެސްޖަމްޢިއްޔާ އިންނެވެ.