މިދިޔަ ހުކުރުދުވަހު ހެނދުނު 9:00 ގައި މުރިނގުސްޓޯރ 3 ގެ ނަމުގައި ޚާލިދު އަބޫބަކުރު އޭނައިގެ ވިޔާފާރީގެ ތެރެއަށް އިތުރު ކަސްޓަމަރުން ގެނައުމުގެ މަޤްޞަދުގައި ފިހާރައެއް ލަންދޫގައި ހުޅުވައިފިއެވެ. މިފަހަރުގެ ފިހާރަ ހުޅުވީ ލަންދޫ ނިޝާން އަލްފާޟިލް ޔޫސުފު އާދަމްގެ ގޭގައި ޔޫސުފު އާދަމް ޢިމާރާތް ކޮށްފައިވާ ކުޑަޢިމާރާތެއް ކުއްޔަށް ހިފާފައެވެ. ކޮންމެ މަހަކުވެސް އެކަށީގެންވާ އަދަދެއް ކުލީގެ ގޮތުގައި ޔޫސޭއަށް ދައްކާގޮތަށް މިފިހާރަމިހުޅުވީ ޚާލިދު އަބޫބަކުރު މަޢުލޫމާތު ދެއްވަމުން ބުނުއްވިއެވެ.
މުރިނުގު އެހެން ފިހާރަތަކުންވެސް ލިބެންހުންނަ ހުރިހާމުދަލެއް މިފިހާރައިންވެސް ލިބެންހުންނާ ނެ ކަމުގައި މަޢުލޫމާތުލިބިފައިވެއެވެ. އަދި އަގުތައް ވެސް އެހެންފިހާރަތަކަށް ވުރެ ހެޔޮވާނެކަމުގައިވެސް މިފިހާރައިގެ ސޭޓެއްގެ ގޮތުގައި މަސައްކަތްކުރައްވާ އެއްފަރާތްކަމުގައިވާ މިރަށު ނަސްރު އަލްފާޟިލް ނަޞުރުﷲ އާދަމް ބުނުއްވިއެވެ.
މިފިހާރަރަހުޅުވުމުން 900 މީހުން އާބާދީގައި ކިރިޔަކިރިޔާ ހަމަވާ މިރަށުގައި މިހާރު އެވީ ޖުމުލަ 6 ފިހާރައެވެ. އެހެންކަމުން މިހާރު ވިޔަފާރިވެރިންގެ މެދުގައި މިވަނީ ފާޑެއްގެ ކޮމްޕެޓިޝަނެއް ތަޢާރަފު ވެފައެވެ. އެކަކު 20 ލާރި ހެޔޮކޮށްލިއްޔާ އަނެކަކު 25 ލާރި ހެޔޮކޮއްލާ ކަހަލަ ސިސްޓަަމެއް މިހާރު މިވަނީ މިރަށުގައިވެސް ޤާއިމްވެފައެވެ.
No comments:
Post a Comment