ބޯޑު ޖެހުމަށް ތައްޔާރުވަނީ
ލިޔުނީ : ގޮމަ
ލަންދޫގެ ތާރީޚްގައި ބޭއްވޭ އެންމެވަރުގަދަފުޓްބޯޅަމުބާރާތުގައި އިޝްތިހާރު ކުރުމަށްޓަކައި ބޭނުންކުރާނެ ބޯޑުތައް ބެހެއްޓުމުގެ ތައްޔާރީތައް ކުރުމުގެ ވާންފަށައިފިއެވެ. މިގޮތުން ދަނޑުގެ ހަތަރުފަރާތުން ވަށައިގެން ގާތްގަނޑަކަށް 10 ފޫޓްގެ ހުސްޖާގައެއްވަނީ ކޮށާސާފުކޮށްފައެވެ.
މިހާރުކުރެވެމުންދާ ބައެއްމަސައްކަތަކީ ބޯޑުތައް ހަރުކުރުމަށްޓަކައި ބޭނުންވާނެ ސްޓޭންޑްތައް ހެދުމުގެ މަސައްކަތެވެ. ހަމަމިއާއި ގުޅުވައިގެން މިމުބާރާތް އިންތިޒާމްކުރައްވާފަރާތްކަމުގައިވާ ލަންދޫޔޫތު އެންކަރޭޖިން ސޮސައިޓީން ވަނީ މުބާރާތުގައި އިޝްތިހާރު ކުރަންބޭނުންވާ ފަރާތްތަކަށް އެކަމުގެ ފުރުޞަތު ހުޅުވާލައިފައެވެ.
މިފަހަރުގެ މިހޮލިޑޭކަޕަކީ އެފް އޭ އެމް އާއި ގުޅިގެން ފުރަތަމަ ފުޓްބޯޅަމުބާރާތެވެ. މިމުބާރާތުގެ ރެފްރީންގެ ގޮތުގައި ޙަރަކާތްތެރިވެލައްވާނީ އެފް އޭ އެމްގެ ރެފްރީން ކަމުގައިވެސް އަޅުގަނޑަށް މަޢުލޫމާތު ލިބިފަިއިވެއެވެ. މިހެންވެއްޖެކަމަށްވާނަަމަ ލަންދޫގެ ތާރީޚްގައި ފުރަތަމަފަހަރަށް ކަމުގެތަމްރީނާއި ތަޖްރިބާލިބިފައިވާ ބޭފުޅުން ބޭނުންކުރައްވައިގެން ރާއްޖޭގެ ފުޓްބޯޅައިގެ މައި އިދާރާއާއި ގުޅިގެން ފުޓްބޯޅަމުބާރާތެއް ބޭއްވުމުގެ ފަޚްރާއި ޝަރަފްވެސް ލިޔެސް ޖަމްއިއްޔާއަށް ލިބިގެންދާނެއެވެ.
ލިޔެސް ޖަމްއިއްޔާގެ ހިންގުންތެރި މެމްބަރުން ޚާއްޞަކޮށް މާލޭގައި ޖަމްޢިއްޔާގެ ފަރާތުން ފޯކަލްޕޮއިންޓެއްގެ ގޮތުގައި ހީވާގިކަމާއި މުރާލިކަމާއި އެކު މަސައްކަތްކުރައްވަމުން ގެންދަވާ ޙަފްސީ ޢަބުދުﷲ ކުރައްވަމުންގެންދަވާ އަގުހުރިމަސައްކަތްތަކަށް ޓަކައި މިކަންފާހަގަކޮށް ނިހާޔަތަށް ޝުކުރުވެރިވަމެވެ.
No comments:
Post a Comment