ބަނދަރު

ބޮޑުހިލަގެންނަންފަށައިފި

ލިޔުނީ : މޫސާ ޙުސެއިން / މިހާސް

ލަންދޫގައި މިހާރު ހަދަމުންދާ ބޭރުތޮށީގައި ޖެއްސުމަށް ހަމަޖެހިފައިވާ ބޮޑުހިލަތައް މިރަށަށް މިއަދު ގެންނަން ފަށައިފިއެވެ. އެމްޓީސީސީއިން މިމަސައްކަތުގައި އެންމެއިސްކޮށް ޙަރަކާތްތެރިވެލައްވާ ބޭފުޅަކުވިދާޅުވިގޮތުގައި މިއަދު މިގެނެވުނީ 300 ޓަނުގެ ބޮޑުހިލައެވެ.

މިވަގުތު ބަނަދަރުގައި ކުރެވެމުންދާ މަސައްކަތަކީ އެއްގަމު ތޮށިލުމުގެ މަސައްކަތެވެ. މިގޮތުން މިތޮށީގެ 400 ފޫޓް އެއްކޮށް ނިމިފައިވާ ކަމަށްވެސް މަޢުލޫމާތު ލިބިފައިވެއެވެ. މިތޮށިގަނޑުގައި މިހާރުނުނިމިވަނީ ގާތްގަޑަކަށް 200 ވަރަކަށް ފޫޓުގެ މަސައްކަތެވެ. އެއީ ތޮށީގެ އެއްއަރިމައްޗެވެ.

މިބަނދަރުގެ ކަނޑިންމައާއި ދިމާލުގެ އަރިމަތީގައިވަނީ 100 ފޫޓެވެ. އެއްގަމުގައި ( ދިގުމިނުގައި ) ވަނީ 300 ފޫޓެވެ. އަދި ކަނޑިންމަނޫން އަނެއްއަރިމަތީގައިވނީ 200 ފޫޓެވެ.

މިރަށަށް ދިމާވެފައިވާ ލަފާފުރުމުގެ ދަތިކަން ހައްލުކޮށްދިނުމުގެ ގޮތުން ހެދެމުންމިދާ ބަނދަރުގެ މަސައްކަތް ކުރިއަށް މިއޮތް 3 މަހެއްހާ ދުވަހުގެ ތެރޭގައި ނިމޭވަރުވޭނެކަމަށް އެމްޓީސީސީއިން މިމަސައްކަތުގައި އިސްކޮށް ޙަރަކާތްތެރިވެލެއްވުމަށް ދުރުވެހުންނެވި އިސްބޭފުޅާ ވިދާޅުވިއެވެ.

ލަންދޫގައި ހަދަމުންމިދާ ބަނދަރު ނުނިމުނަސް މިހާރުވެސް ލަންދޫގެ އޮޑިވެރިން ދަނީ މިބަނދަރުގެ ބޭނުންހިފަމުންނެވ.ެ