މިއަހަރުގެ ޓީޗަރުންގެ ދުވަސް ލަންދޫސްކޫލްގައި ފާހަގަކޮށްފި
ލިޔުނީ : އަޙްމަދު ދާއޫދު
މިއަހަރުގެ ޓީޗަރުންގެ ދުވަސް ކުލަގަދަގޮތެއްގައި ފާހަގަކުރުމުގެ ގޮތުން އެސްކޫލްގެ ޕީޓީއޭއިން އެސްކޫލްގެ ހުރިހާ މުވައްޒަފުންނަށް އަމާޒުކޮށްގެން ޑިނަރ ނައިޓެއް އެސްކޫލްގައި ބާއްވައިފިއެވެ. މިޑިނަރ ނައިޓްގައި އެސްކޫލްގެ ހުރިހާމުވައްޒަފުންނާއި ، ޕީޓީއޭގެ އެގްޒެކްޓިވް ކޮމެޓީގެ ހުރިހާބޭފުންޅުންބައިވެރިވިއެވެ. ޓީޗަރުންނަށް އެމީހުންގެ އަގުވަޒަންކުރާ ކަން ހާމަކޮށްދިނުމުގެ ގޮތުންނާއި ޓީޗަރުންގެ އަގުހުރި މަސައްކަތަށް ހިތްވަރުދިނުމުގެ ގޮތުންނާއި ސްކޫލްގެ ހުރިހާމުވައްޒަފުންނާއި ، ސްކޫލް ހިންގުމުގައި ވަރަށް ބޮޑުޙިއްސާއެއް އަދާކުރަމުންދާ އެސްކޫލްގެ ޕީޓީއޭ ގެ ހިންގާ ކޮމިޓީގެ އެންމެހައި ބޭފުޅުންނާއި އެކު އެއްސުފުރާއަކުން ބައްދަލުކޮށް ލުމުގެ ފުރުޞަތު ހޯދައިދިނުމުގެ މަޤްޞަދުގައި ބޭއްވި މިޑިނަރަނައިޓަކީ ވަރަށްއުފާވެރި ޖައްވެއްގައި ބޭއްވިގެންދިޔަ ޑިނަރަނައިޓެއްކަމަށް އެސްކޫލުން މަޢުލޫމާތު ދެއްވައެވެ.
ޖުމުލަ 38 މުއައްޒަފުންނާއި އެކު ކުރިއަށްދާ ލަންދޫސްކޫލަކީ ޢުމުރާނީ ގޮތުންނާއި ތަޢުލީމީ ގޮތުން ކައިރި ހިސާބުގެ ރައްތަކާއި ފައިހަމަކޮށްލެވޭ ވަރުގެ ސްކޫލެއްކަން މިހާރުވަނީ އެސްކޫލުން ސާބިތުކޮށްދީފައެވެ. އެގޮތުން ވޭތުވެދިޔައަހަރު އައިޖީސީ އެސްސީއާއި ޖީސީއީ އަދި އެސްއެސްސީ އިމްތިހާންގއި އެސްކޫލުން ހޯދިކާމިޔާބީ އަކީ ފުދޭވަރެއްގެ ރަގަޅުކާމިޔާބެކެވެ. އެސްކޫލުންވަނީ ވޭތުވެދިޔައަހަރު ގްރޭޑް 10 ގެ ހުރިހާދަރިވަރުން ވެސް ކޮންމެދަރިވަރަކު އިންޓަރނޭޝަނަލް ކޮންމެވެސް އެއް އެގްޒާމަކުން / މާއްދާއަކުން ފާސްކުރުވާފައެވެ.
No comments:
Post a Comment