ފިޠުރުޢީދު ފާހަގަކުރުމުގެ ގޮތުން ސްޓޭޖްޝޯވ އެއް ބާއްވައިފި
ލިޔުނީ : އަޙްމަދު ދާއޫދ
ު
މިއަހަރުގެ އުފާވެރި ފިޠުރު ޢީދުގެ މުނާސަބަތުގައި ޢީދު ފާހަގަކުރުމުގެ ގޮތުން ލަންދޫ ޔޫތުއެންކަރޭޖިން ސޮސައިޓީ ( ލިޔެސް ) ގެ ފަރާތުން އިންތިޒާމްކޮށްގެން ކުރިއަށްގެންދާ ޙަރަކާތްތަކުގެ ތެރެއިން ޢީދުދުވަހުގެ ރޭ ލަންދޫ ރައްޔިތުންގެ ސްޓޭޖްގައި ޝޯވއެއްދީފިއެވެ. މިޝޯވގެ އިތުރުން އީދުދެވަނަދުވަހު ބޭއްވުމަށް ހަމަޖެހިފައިވާ ވަންޑޭ ކަޕް ވޮލީ މުބާރާތަކީވެސް ވަރަށްފޯރިގަަދަވެގެންދާނެ މުބާރާތެކެވެ.
ތަފާތު އެކިއެކި އައިޓަމްތައް ހިމަނައިގެން ކުރިއަށްގެންދިޔަ ސްޓޭޖްޝޯބަލަން ފުދޭވަރަކަށް ގިނައިން މީހުން އައެވެ. ޝޯވ އެނައުންސްކުރުމުގައި ލަންދޫ އަސަރީގެ އަލްފާޟިލް ޢަބުދުލްޢަޒީޒް އަބޫބުކުރު ޙަރާކާތްތެރިވެލެއްވި މިޝޯވގައި އަދި މިހާތަނަށް ލަންދޫއިން ޢާއްމުކޮށް ނުފެންނަ ފަންނާނުން ފެނިގެންގެންދިޔައެވެ. އެގޮތުން ޔޫސުފު އަބުދުއްރަހީމް ( ޔޫއްޓޭ )ހުށަހަޅައިދިން ލަވަޔާއި، ސަލީމް ހުސެއިން ( މެއްޑޯ ) ގެނެސްދިން އައިޓަމް "ސިޔާސީފެންޑާ" ފާހަގަވެގެންދިޔައެވެ. މީގެ އިތުރުން ނަޢުޝާދު ޢަބުދުއްރަޙީމް އާއި މޫރިތިވަސީމް ވެސް ލަވަކިޔުއްވާ ލަވަހުށައިދިނެވެ.
ވިނަރެސް އަޙްމަދު ރަޝީދު ( ލައިބް ) އިސްވެހުންނަވައިގެން ގެނެސްދިން ލަވަސެޓަކީ މުޅިޝޯވއިންވެސް އެންމެފާހަގަކޮށްލެވުނު ހުނަރުވެރި އައިޓަމޭދެންނެވިދާނެއެވެ . މިއައިޓަމްގައި ފެނިގެންދިޔަ ނެށުންތެރިންގެ ތެރޭގައި އިރުޝާދު ( ރެޑޭ ) ، ޝިމާލު ( ސިމައްޓޭ ) ، އިސްމައީލް ( ފޮނިސަމަދު ) ، އަދި ވެސް ލިޔެސް ޖަމްޢިއްޔާއިން އަލަށް ތަޢާރަފްކުރި ފަންނާނުން މިއައިޓަމްގައި ހިމެނިގެންދިޔައެވެ.
މިފަހަކަށްއައިސް ލަންދޫ ލިޔެސް ޖަމްޢިއްޔައިން ކުރިއަށްގެންދާ މިފަދަ ޙަރަކާތްތަކަކީ މިޖަމްޢިއްޔާގެ އިސްސަފުގައި މިވަގުތު ތިއްބެވި ޒުވާން ހިންގުންތެރިންނަށް ޝުކުރު ޙައްޤުވާފަދަ ޙަރަކާތްތަކެކެވެ. ރަށުގައި އިތުރު އެހެންޖަމްޢިއްޔާއެއް އުފެދިފައިވާއިރު މިފަދަ އެއްވެސް ހަރަކާތެއްގައި ލަންދޫޔޫތު އެންކަރޭޖިން ސޮސައިޓީން ފިޔަވާ ހަރަކާތްތެރިވާތަން މިފަހަކަށްއައިސް ނުފެނެއެވެ.
No comments:
Post a Comment